'sutopatikuna' li soweli telo pi ma Oselija. nasa la ona li pana e sike mama sama akesi sama waso. lukin la uta ona li sama waso. (taso uta ni li kiwen ala. ni li sama ala waso.) ante la, nimi 'sutopatikuna' li jo e nasa. ona li jo e kalama /ti/. nasin pi toki pona la kalama /ti/ o kalama /si/. taso sutopatikuna li nasa li sama ala soweli ante mute la ni li pona: nimi 'sutopatikuna' kin li nasa li sama ala nimi ante mute pi toki pona.
palisa ike li lon noka pi sutopatikuna mije.
tan jan Nesapa
tan tenpo sike pini