tan jan Tepo
tan tenpo sike pini mute
'epi' li pilin. jan li wile ku la ona li epi. jan li ken ku la ona li kama pilin epiku (pona wawa).
lipu ku li kama lon tomo mi lon tenpo kama, la mi epi.
tan jan Nesapa
tan tenpo sike pini mute
mama. nimi ni li sama nimi "mama" lon ale. nimi ni li lon tan ni. nimi "mama" li sama nimi mama pi toki ma mute. ni la mama ike li ken kute e toki pona li ken sona pakala e ni: "jan pi toki pona li toki lon mi a!" ni la jan li ken ante e nimi "mama" tawa nimi "masi". nimi sin ni li tan nimi "mati"/"мати" pi toki mute.
soweli mi li masi a! soweli sin mute li lon.
tan ale sa
tan tenpo sike pini mute
toki pona li ken ala e kalama /wu/ e /wo/ e /ji/ e /ti/. ni la ona mute ni kalama wuwojiti.
ma Sawusi? ona li wuwojiti a!
tan jan Nesapa
tan tenpo sike pini mute
nimi 'n' li sama mute nimi 'a'. taso ante li ni: jan li open ala e uta la jan li ken ala kalama e nimi 'a'. taso jan li ken kalama e nimi 'n' kepeken nena ona taso kepeken uta open ala! jan li kepeken mute e nimi 'n' lon tenpo ni: ona li toki insa.
kala kala li pali e nimi ni lon tenpo #2021. jan mute (68%) li kepeken e ona. ona li nimi ku suli. sitelen pona la sina pana e palisa wan lon sewi pi sitelen Lasina "n" la sina ken sitelen e nimi ni.
n... mi sona ala.
tan jan Nesapa
tan tenpo sike pini mute
jan li toki pona ala lon ma pi toki pona taso la ona li kokosila.
Good morning!
sina kokosila a. taso, tenpo suno o pona tawa sina!
tan jan Koko
tan tenpo sike pini mute
jan li luka e soweli ni la, soweli li pilin pona mute. taso, jan li luka e soweli ante la, ni li wile utala.
soweli suwi li suwili. kijetesantakalu li suwili kin. o luka ala e soweli ante.
tan jan kijetepatikuna
tan tenpo sike pini mute
nimi 'akuliki' li toki e akesi wan pi sitelen wan. sitelen akuliki li sama sitelen pi nimi 'akesi', taso sijelo ona li sike ala li leko pi palisa selo tu wan (sama sitelen pi nimi 'kule'). nimi 'akuliki' li wan e nimi 'akesi kule kiki' tan ni: ona li akesi, li sama sitelen 'kule', li kiki (nena wawa li lon pini ona).
nimi ni li tan tenpo kulupu pi ma Sijana.
akuliki Masine li sitelen suwi kule e akuliki lon lipu
tan ijo vivi
tan tenpo mun pini
jan li lanpan e ijo la ona li kama jo e ijo. tenpo mute la jan li kepeken e nimi 'lanpan' tawa ijo ike. ni la 'lanpan' li sama 'kama jo ike". jan li 'lanpan e pan,' la ona li 'kama jo e pan tan tomo esun kepeken ala mani'. lanpan ni li ike. taso tenpo la jan li kepeken e nimi 'lanpan' tawa ijo pi ike ala kin.
lanpan li nimi ku suli. kama sona pi tenpo sike #2022 la jan mute (52%) li kepeken e nimi ni. jan Wesu en jan Maliku en jan inwin li pali e ona lon tenpo sike #2017 tan nimi 'λαμβάνω' pi toki Elena.
o lanpan e pan!
tan jan Nesapa
tan tenpo sike pini mute