nimi 'kuntu' li tan nimi 'kalama musi tan uta' ('k.m.t.u.'). jan li pilin musi la ona li pana e kalama musi tan uta. ni li kuntu. ijo musi li pana e kuntu la ona kin li kuntu. jan li pana e kuntu tawa jan ante la jan #1 li kuntu e jan #2. sina ken kepeken e nimi 'kuntu' taso lon tenpo ni: sina pilin musi.
nimi ni li nimi ku lili. jan Wesu en jan Maliku en jan inwin li pali e ona lon tenpo sike #2018. kama sona pi tenpo sike #2022 la jan pi lili mute (7%) li kepeken e ona.
mi pana e sitelen kuntu tawa jan pona mi la mi ken kuntu e ona a!
tan jan Nesapa
tan tenpo sike pini