'jasima' li jo e kon nimi mute.
#1 la 'jasima' li 'pana sin'. sina kalama suli tawa nena suli la nena li ken pana sin e kalama. ni li jasima kalama. sina lukin e sinpin pi telo suli awen la telo suli li pana lukin e sinpin sina. ni li jasima suno. jasima suno li nasa tan ni: ona li ante e poka. sina pana e ilo jasima 🪞 tawa sinpin sina la sina ken lukin e sina lon selo pi ilo jasima. lukin la sinpin sina lon en sinpin sina pi ilo jasima li sama mute. ni taso li ante: ijo li lon poka seme. ijo li lon poka open la ilo jasima li pana lukin e ni: ona li lon poka pini. ni li jasima.
#2 la 'jasima' li ante ale, sama ni: walo li jasima tawa pimeja.
nimi ni li nimi ku suli. jan pi mute ala (47%) li kepeken e ona. jan Wesu en jan Maliku en jan Kisinja en jan inwin li mama e ona lon tenpo sike #2018 tan nimi 'yansıtmak' pi toki Tuki.
tenpo pimeja la telo suli li jasima e mun.
tan jan Nesapa
tan tenpo sike pini mute
jan li luka e soweli ni la, soweli li pilin pona mute. taso, jan li luka e soweli ante la, ni li wile utala.
soweli suwi li suwili. kijetesantakalu li suwili kin. o luka ala e soweli ante.
tan jan kijetepatikuna
tan tenpo sike pini
poki tawa
poki loje lon sinpin li poki tawa
tan jan Kapi
tan tenpo sike pini mute
nimi ni li pana e toki ala e nasin toki taso. sina pini anu pini lili e toki sina la sitelen pi pini ni li ken kepeken nimi "ne". nimi "we" li ken sama, taso ona li lon insa pi toki tu. nimi "ne" li ken lon insa pi toki tu li ken lon insa pi toki wan. nimi "ne" la sina ken pini anu awen anu pana anu moku e kon lon uta sina.
suli la sitelen pona pi nimi "ne" li ala sitelen. sitelen pona la o pana ala e sitelen lon nimi "ne", o pana e toki lon poka ona taso.
sina ale pi sitelen pona li kepeken nimi ni.
kalama pi nimi ni li tan nimi "we" li tan nimi "n".
taso ne mi la ne telo li kule ala ne li pona e lawa ne e ale sijelo: taso, mi la, telo li kule ala, li pona e lawa, e ale sijelo.
tan jan Ke Tami
tan tenpo sike pini mute
poki tona li sama poki kule.
- mi toki lon poki tona!
- sina seme???
tan jan Soli
tan tenpo sike pini mute
'epi' li pilin. jan li wile ku la ona li epi. jan li ken ku la ona li kama pilin epiku (pona wawa).
lipu ku li kama lon tomo mi lon tenpo kama, la mi epi.
tan jan Nesapa
tan tenpo sike pini mute
nimi 'kuntu' li tan nimi 'kalama musi tan uta' ('k.m.t.u.'). jan li pilin musi la ona li pana e kalama musi tan uta. ni li kuntu. ijo musi li pana e kuntu la ona kin li kuntu. jan li pana e kuntu tawa jan ante la jan #1 li kuntu e jan #2. sina ken kepeken e nimi 'kuntu' taso lon tenpo ni: sina pilin musi.
nimi ni li nimi ku lili. jan Wesu en jan Maliku en jan inwin li pali e ona lon tenpo sike #2018. kama sona pi tenpo sike #2022 la jan pi lili mute (7%) li kepeken e ona.
mi pana e sitelen kuntu tawa jan pona mi la mi ken kuntu e ona a!
tan jan Nesapa
tan tenpo sike pini mute
'linluwi' li jo e kon mute.
#1 la 'linluwi' li ijo insa. 'linluwi' li lon insa pi ijo tu anu mute la ijo tu anu mute li kama kulupu wan.
#2 la 'linluwi' li ilo. ilo ni li linja e ilo sona. jan li ken pana e toki e sona kepeken ilo ni. lipu ni kin li lon 'linluwi'!
nimi ni li tan jan inwin tan tenpo sike #2017 tan nimi 'rhyngrwyd' pi toki Kinla. ona li nimi ku lili. jan pi mute ala (29%) li kepeken e ona.
nasin li linluwi e ma tomo ale.
mi pana e lipu mi lon linluwi.
tan jan Nesapa
tan tenpo sike pini mute
kalama uta "ti" li pona tawa jan wan pi toki pona, taso ona li kama wuwojiti, la ona li wuwoji.
- sutopatikuna Peji li utala e jan ike.
- o wuwoji ala! nimi ona li sutopatikuna Pewi.
tan jan Polijan
tan tenpo sike pini mute
kijetesantakalu li soweli li pona ale
mi en sina en jan ale li olin e kijetesantakalu
tan jan Tepo
tan tenpo sike pini mute